]center]العبيد: سلام يالمحاسن
المحاسن: اهلا حباب عووو( كان عايزة تقول عوض الله ربنا سترا) عوو العبيد اخوي
العبيد: مالك مخالوعة زي التقول عوض الله ود شيخ العرب كان هنا
المحاسن تبكي:شن قشرني بالرجال وشن بيجيبوهم ليه مالك يالعبيد مسخت علي ارض الله ولحمي انسلب واصبحت في مهانة وزلة كل ماتزورني تشنعني اشنع سمعة وكان دي حالتي انا عيني مابتفارق الدمعة
ام المحاسن: سجمي سجمي دة منو الزعل وحيتي وسيح قلبي متل الشمعة
المحاسن : دة ماود اختك المسخ علي ارض الله وسلب لحمي وخلاني في مهانة وزلة
ام المحاسن: يابتي مالو ود خالتك دوام كارهاهو شن ضربك وشن قتلك منو البدور ينهاهو
المحاسن: لي وحيتك شينة وعرس الاقربين بسبب للقبيلة عداوة والجرح ان غور بي سهولة مابداوى
ام المحاسن: تعال ياضو نفلو جيب لي السجاجة انصلي وسوي لي شايان من نبيح الفتا الوجع راسي دة
بعد الصلاة قعدت تدعو ام الحاسن: يارب يا كريم يا مقدر الازمان تجيب ابو المحاسن في سرور وامان اديلو جوابان في داخلو كل كلام يتم لي عرس العبيد وينهاه والكلام الطيب الكل القلوب ترضاه
يدخل ابو المحاسن ويقول: دة العبيد المابعرف يمنا من شملاه ياود مالميت ليك درهم درهمين من مهرك وتلقا ليك وحدة خلافا
يطلع العبيد زعلا ن
وعوض الله في الخلا يدوبي بالليل ويقول :
ماجات متكربة العلال الدرب شاتيها ماليها مدنقرة كل التشوفو واليها
حارقة افكارنا بالقدلة وهدلة ايديها
( العرس يقام من نصيب عوض الله ويدخل العبيد زعلان وغاضب وحامل سيفو في يدو)
العبيد: خلاص يالعوض ضمنت ضمينك وختيت المحاسن متل القمر في يمينك
عوض الله : العقبا ليك وانشالله اشوف تحسينك
العبيد: انت كايس لي السمح وانا كايس لي مضارب شينك, في خمر الفرح ما اظن تتلت كاسك, وكيفن ترمي وتقوم في البحر ساساك , يسوووا الووووووب ويردحوا ناسك, واقطع رقبتك وادردق راسك ويرفع سيفة ويضرب عوض الله في رقبته بالسيف
( عوض الله يمسك رقبته ويقول :
غدرتني يالمابتعرف مقاسي انا شن مت مابخت نقصا يحردن اليجز الراسي وانا كان حيييت بحنن بدماك محاسن
ويموت عوض الله
والمحاسن تبكي وماسكة القتيل وقالت:
اقول لعزالي لاتعزلوني لغير الدمع ماخلقت جفوني مدامع مقلتي قد طفحت ففاضت
علي خدي واحبابي قد جفوني
ويا احبابي قد زاد اشتيااااقي اليكم مالكم لاترحموني جفوتم بعد ميثاق وعهدي وخنتم
صحبتي وتركتموني
ويوم البين لما قد رحلتم سقيتوا من الصدودي شراب هوني فبالله ياقلبي ذوب عليهم
غراما وجودي بالمدامع ياعيوني
اقمتم غرامي في الهوا وقعتم واسهرتم جفني القريح ونومتم اما تتقون بالله بقتل عاشق
يبيت يرا النجم والناس نوم
فبالله ياقومي هاهو عوض الله قد مات فاكتب علي لوح قبره ان هذا متيم
الممثلين
يس حاج الطيب:ابو المحاسن
عمران ابو القاسم: ام المحاسن
محمد الرشيد: المحاسن
عمر صباحي : ضو نفلو
عوض حامد: العبيد
المرحوم غريب الله احمد الفكي رحمه الله وغفر الله له واسكنه فسيح جناته وابدله بثوبا من البرد والتلج في قبره اطلبو الرحمة له:دور عوض الله
[/center]
الرئيسية 