اعملو حسابكم يا ناس الخرطوم هوي

زائر

]left][

center]t[center]

سلامات يا شباب
كوووولكم سمعتوا بالكلاب الظهرت في الخرطوم عملت زعر وهلع (عربي زي العربي) بين الناس والمواطنين البسيطين الزينا كده .. وبرضو الباعوض الكتير البقي كل يوم معانا وما قادرين نزوق منو ..
وفي ناس اكيد اكيد سمعوا بي عشة ام شنب .. وحواء ام ضنب .. خصوصا ناس الركشات .. والماسمع بنقول ليهو ديل بعاتيات .. ايو بعاعيت عديل كده .. قرمن اضان سيد الركشة يااااخ

المهم ما علينا .. الشر برة وبعيد .. لكن سمعتوا بي زوار الليل .. اكيد غير الود بكووور زول سمع .. سمع شنو يااخ شاافهم عديل كده مافي .. زوار الليل دي يا ساااادة اصعب من البعاعيت .. ونقاقين اكتر من الباعوض .. وتخاف منهم اكتر من الكلاب ..

ديل بجوك ناطين في البيت بدون مقدمات بعد صلاة العشاء طوووالي .. يقولوا ليك جااينك زيارة في الله .. مع العلم بي انو الزيارة بعد صلاة العشاء ربنا اتكلم عنها في صورة النور .. ما محتاجة شرح كتير ..

يقولوا ليك دايرين عشاء وقبل العشاء شاااي بي لبن مقنن ودايرين لقيمات بي جوز الهند .. وهاك يا ونسة وهاك يا رغي ونقة .. يحرجوك مع ناس بيتكم بالجد لو اتعشيتوا قبل صلاة العشاء .. او اليوم دااك كنتوا علي الحديدة كالعادة وما عندكم عشاء من اساسو .. ولا شنو يا جماعة ..

اها كده الصورة ظهرت ليكم ولا لسه .. لانو الزوار ديل موجودين معانا هنا .. والدور جااي ماشي عليكم .. عشان كده اي زول فيكم يصلي العشاء سريع سريع .. ويقفل باب بيتهم قوووي .. وتاني ما يطلع نهااائي .. لمن الشمس تطلع .. الناس ديل صعبين ياخ

وانا من هنا بطالب السلطات المحلية والعالمية .. البحث عن المذكورين وابادتهم نهااائينا نسبة للضرر والهلع الحاصل منهم ده يااااخواني[/cen

er[/center][/left]]

» تم افتتاح مصنع الجعفري للاثاث في الخرطوم